"Anak-anak tetap belajar dari rumahlah, Mbak. Ayuk biasonyo ambek LKS atau tugas satu pekan sekali lah ke sekolah."
"Oh, gitu. Blajarnyo kek mano, Yuk?"
"Semuo murid kemarin tu dimintak nomor whatsup, Mbak. Semuo informasi di grup whatsup tulah."
"Ado kendala, Yuk?"
"Hmmm... Ayuk kan kerja yo, Mbak. Klo pagi lah harus ke rumah orang, bersih-bersih. Kadang tu, ayuk agak litak dan waktunyo tu nah, Mbak. Ayuk harus kerjp dan ngajarin anak belajar jugo, kan. Ayuk kadang jugo dak ngerti, jadi suruh anak cari dewek di internet. Hmmm... Teros biayo kuota lumayan, apolagi kalo video. Tapi nak kek mano lagi, Mbak."
"Kalo orang tuo lain kek mano, Yuk?
"Idak semuo punyo HP dewek, Mbak. Dak semuo anak jugo masuk grup whatsup. Kemarin adolah anak yang numpuk tugas hampir satu pekan. Heran lah guru-guru tu. Pas dicek, ternyato HP tu bukan punyo anak tu atau orang tuonyo. Keknyo masih anggota keluargo, tapi mungkin apo yo... Kareno HP tu jugo buat kerjo keluargo yang laen, mungkin tenggelam pesan grup sekolah tu atau lupo nak bilang samo anak/orang tuo anak tu. Akhirnyo, mintaklah orang tuonyo keringanan hari ngumpulin tugas anaknyo, Mbak. Gurunyo bilang iyo. Dakpapo, buk. Dak biso makso jugolah, Mbak. Kondisi kito beda-beda."
