Ada anak kecil 2 dong nama Yakop deng Tinus dong tinggal di kampung, baru dong pu rumah tu belum ada listrik ni.
Trus begini, su malam to, jadi Tinus deng Yakob ni cuma kasi terang rumah deng pelita saja.
Sekarang dong mo tidur, tapi nyamuk tinggal sambar-sambar trus. "NYIIINGGG!"
Yakob: "Tinus nyamuk banyak skali ni..."
Tinus: "Coba Yakop ko kasi padam pelita?"
Jadi yakob mulai jalan kasi padam pelita. Kaget begini kunang-kunang masuk.
Yakob: "Tinus itu apa???"
Tinus: "yakop... sssttt, ko diam! Tu nyamuk dong ada cari tong dua pake senter!"
