RASA
Asih nu ngancik dina ati jadi pamatri
subaya nu munggaran jadi panyangcang rasa,
bewara nu mawa beja,
carita nu baris nyata,
diwuwuh ku dua kanu kawasa,
naratas jalan geusan mapag kabagjaan,
Hiliwirna angin peuting lir mawa harewos tresna rasa,
Anu gumulung nga-galura estuning matak waas matak kagagas,
Katineung ati nu jadi pujaan diri,
Katresna rasa nu jadi panglipur lara,
Kiwari geus jadi panghias sanubari,
Anjeun nu jadi kembang matak hayang matak ka gembang,
Ditilik ti gigir lengik, diteuteup ti harep sieup
Estuning matak genah, matak mernah tur tumaninah, ngupahan manah anu keur susah, mepende hat nu cape
Kalayan dua nu jadi harepan diri, tarekah nu jadi jalan sabab,
Mugia Gusti ngamparkeun ijabah ka sakumna hamba nu nuju miharep rido sareng rahmatna
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
