Kangkung enaknya ditumis
Dimakannya pake sambel terasi
Asiknye nih punye kumis
Slendang ame golok jadi serasi.....
Nyisir rambut ampe klimis
Biar mengkilat disorot cahaye
Kalo emang penting punya kumis
Darimane bisa dinilai gantengnye...??
Ikan bandeng rasenye amis
Jangan dimakan ame tulang-tulangnye
Muke kagak ganteng tanpa kumis
Apelagi kalo punye kumis kayak gue.....
Masak nasi... nasinye nasi jagung
Minumannye pake es cap jahe
Silaturahmi ga musti pulang kampung
kan cukup di kompasiana aje ....
Jalan jalan ke pasar malem
Jangan lupe beli oleh oleh
Abis ngibing nih tadi malem
Cape deeeeeeeeeeeehhh.........
_______________________________________________________________
kirim-kirim salam aje , buat :
mpok Eni R, mpok Arrayanov, mpok Neny S, mpok Aya S, mpok Sri Endang, mpok fitri, cepot, doel
ame nyang laen2 juga deh...
ntar malem kite nandak nyoook... ?
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
