Nyurasa, Ungsume Bencana

TEMEN-temen wis katon kerusakan neng daratan lautan kerana sebab tangan (jahil) menungsa. "Kuwe surat Arrum ayat 41, kudu dadi pelajaran," jare ustade lagi khutbah, winginen. Angger dipikir tah ana benere juga. Kerusakan alam sing saiki ana ning duwure bumi, ya rata-rata ngundang bencana. Alam digawe serasi nggo saling nopang, ekosistem rusak siji bisa merembet gawe masalah ning liya-liyane.

Kocape hutan, sing jare berfungsi sebagai paru-paru karo pori-pori alam saiki wis pada rusak. Hutan sing dadi andalan nggo serapane banyu, saiki mulai arang. Wis diganti anggo wit-witan cilik, alih fungsi dadi kebon sayur-sayuran. Sing luwih parah ditanduri beton, karo eksploitasi komersil. Akibate, Lemahe saya mene saya kendo, sampe pada lugrug dadi longsor. Toli banyu udan sing asline bisa diserap, ucul ora ketampung dadi mlayu ngendi-ngendi ora. Ajib is, dampake ora ning wilayah hulu pucuk tok, tapi anjog wilayah sasore nganti hilir. Banjir bandang Brebes, setahun kepungkur dadi contone. Banyu kiriman sing hulu sageden-geden muntrah, tanggul Pemali ora nyangga akhire jebol. Welasan desa kelem.

Durung suwe, masih anget. Wilayah Paguyangan ya kena terjangan banjir bandang. Jembatan dalan sing dadi korban. Ning Sirampog, Bantarkawung karo wilayah dataran tinggi memang paling rawan longsor. Sampe ngerusak fisik dan akses warga. Musim udan sing mestine dadi berkah, kayong wis umum dadine musibah.

Jare Kepala Pelaksana Badan Penanggulangan Bencana Daerah (BPBD) Brebes, Ingsinyur Eko Andalas awit akhir tahun 2017 wingi sampe saprene memang lagi kerep bencana alam. "Dampak yang ditimbulkan saat ini, berupa kerusakan, mulai dari pemukiman warga, sarana infrastuktur sungai maupun jalan," ungkape.

BPBD Brebes malah wis ngetung, sing katon mata bae kerugian materil akibat bencana alam, mbuh kwe tah banjir, angin lesus, tanah bergerak atawa longsor, minim nganti Rp 500 juta. Deweke ngelingna masyarakat, awit saiki curah udan diperkirakan sampe wulan loro. Mulane kudu waspada lan ngati-ati. Sing diluruh, urip, sehat, waras slamet, bergas, trengginas.

Akhire bener kandane ustade. Bencana alam kudu dadi pelajaran. Rawatlah alam, niscaya alam akan merawatmu. Kepokoh ari bencana alam sing memang wis dadi sunatullah, kuwe tah sejen urusan. (*)