Batanyo si Upiak Banun, "ba a manuruik uda satantang Uwan Irman nan dilambuik KaPeKa ?".
Antahlah diak. Baguluang-baguluang raso di dado. Salamokoa sanang raso di ati, satiok maliek Uwan tu mangecek di tipi. Gadang ati istilah e. Urangnyoa lunak. Wajahnyoa co rono akan kenek. Gagah lo tu. Takasan sihaik lahia jo bathin. Raso ndak picayo. Tapikia-tapikia di cingkunek. Takilia-kilia di ati, "iyoolah sabana inyo".
Tapi itulah diek. Urang badagok bisa ta ampeh dek batu nan ketek. Sabaliaknyo, urang ketek pun bisa ta atuak di dinding nan tagok.
Uwan kito koa urang badagok. Tapi, walau badagok, walau ta antuak di batu nan ketek, walau lukonyo bakasan kenek, tapi maruyak. Maruyak takumbah dek gara-gara gulo, diabetes istilah ajo mantari. luko nan ketek bananah langsuang amputasi. Gulo dik ....... gulo. Kalo zaman saisuak, urang-urang gaek kito bakato jan bamain api, tabaka beko badan. Kininkoa, mungkin bisa kito tambah pulo pa umpamaannyoa, jan acok-acok mangumbah gulo, diabetes ujuang-ujuangnyo. Nan Uwan kito koa, bamain-bamain jo gulo ...... kanai dek batu ketek, lukonyoa maruyak. Uwan Irman kini sadang manunggu amputasi.
Tabayang kamuko, Uwan kito koa bajalan pincang. Tengkak. Padahal salamokoa badannyo gagah badagok. Sagagah gagah urang diek, bilolah amputasi, tengkak, yakinlah inyo ndak kan bisa balari jo basilek.
"Iko bisa jadi konspirasi", kato si Upiak.
Bisa jadi iyo, bisa indak. Urang gadang badagok tinggi manjulang, tantu banyak nan bingik maliek. Tapi, jan sangenek-ngenek kito langsuang manyalahkan urang lain. Kalau uda indak salah, kan panah Upiak dulu mangutip ucapan Mister Covey dalam buku "7 Habits of the Highly Effective People" bahawasanyoa kalau kamu merasa semua masalah yang menyebabkan berbagai kesulitan hidupmu sumbernya berasal dari luar dirimu, maka kamu adalah manusia yang paling bermasalah.
"Iba ati awak", kato si Upiak baliak
Samo wak. Ibo. Bakunang-kunang incek mato satiok manonton berita Tipi tentang uwan koa. Tapi ba a lae. Nan salah, harus dikatokan salah. Co itu kalam alam jo kalam Tuhan mambaritoan, kato ambo sambia manggaruik kapalo gata nan panuah uban.
: buekkan uda aia teh satangah andia. sangenek gulonyoa
----------------------------
Catatan :
Sabtu 17/9/2016 pukul 18.07 WIB. Ketua KPK Agus Rahardjo mengatakan bahwa Bpk. Irman Gusman terlibat dalam kasus import kuota GULA di Sumatera Barat.
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
