mari....mari tuang hati jantong
pasang talinga bae-bae...
bt mau bilang for kamong samua....
katong samua ini  satu ..maluku....
Mari..mari sda lupakan samua perbedaan,...
lpakan samua masalalu.....
jg ada lai yang baku mara,baku binci apa lagi baku bunu.....
 mari ramas palungku ,
 angka parang salawaku baku gandeng tangan bangun maluku...
zg perlu baku lia kata ale sapa bt sapa... ...
 dia orang mana, dia agama apa ..siapa pun dia..
 katong musti saling  baku sayang......saling menghargai....
Coba...coba lia di sana...ombak kaya mau manari katrejii....awan-awan di atas sana rasa-rasa mau
cakalele,batu.. batu karang senyum-senyum sandir....
kalo lia katong baku sayang.....
gandong e...
  eeeee sungu manis lawang eee
semanis santang deng gula...
 semanis-manis sageru,mar lebe manis hidop orang basudara....
sagu salempeng pata dua..... maluku satu dara itu katong suda..
biar perbedaan arungi samudra, mar pela gandong  zg bisa katonng manyangkal...
ale kasbi...
bt sagu,
ale pisang
bt kaladi
ale ambon
bt seram
ale buru
bt tanimbar...
ale kristen
bt islam... mar samua itu bukan masalah for katong,
bukan for bikin katong baku binci, baku bunu, mar itu bikin katong for baku sayang ..
 ....katong satu gandong...somboleh muka baku gantong
katong basudara,jg ada saling baku mara mar, musti  baku sayang...
karna katong smua tau katong ini satu...
 satu dara,satu suku.....maluku....manis eee...
#ditulis_dengan_dialek ambon
