Pentinge Ilmu Parenting Nggo Wong Tua

Saiki kue lagi akeh e istilah kesehatan mental. Apa sih kesehatan mental kue?
Kesehatan mental atau bahasa inggris e kue mental health yaiku keadaan kesehatan sing ana kaitan e karo kejiwaan, psikis, emosi ne wong. Wong sing nduwe jiwa sing tenang nggo njalani urip ning dunya berarti duwe keadaan mental sing apik.

Nah, saiki kue lagi ngetren wong-wong sing nyebarna info tentang kesehatan mental, saiki juga akeh kejadian bocah-bocah sing esih sekolah ternyata pas di priksa maring psikolog ternyata nduweni gangguan mental.

Jerene psikolog, nggo nduweni mental sing sehat nggo bocah kue bisa dimulai sing keluarga, terutama sing bapak karo ibu. Saiki juga akeh psikolog sing nei ngerti maring wong tua karo wong sing arep dadi wong tua tentang pentinge kesehatan mental nggo bocah-bocah, namane ilmu parenting. Ilmu parenting kue isine tentang cara-cara ben dadi wong tua sing bener, ning kono juga dijelasna tentang akeh jenis gangguan mental sing bisa ngenani maring sapa bae. Nah wong tua kue akeh juga sing ora nyadar tentang pola asuh sing salah, mungkin jerene wong tua kue bener tapi ternyata bocahe malah dadine kena gangguan mental.

Gangguan mental bisa nggawe bocah sing esih sekolah ngeganggu proses sinaune. Ning hasil survei Indonesia-national Adolescent Mental Health Survey (I-NAMHS) taun 2022, ana akeh e 15,5 juta atau 1sing 3 remaja (34,8%) Indonesia ngalami masalah gangguan mental. Ning kasus sing luwih parah, gangguan mental ning remaja bisa nggawe  nglakuni bunuh diri. Kue sebabe bisaneng kesehatan mental remaja bener-bener penting kudu diperhatikna.

Ilmu parenting bisa ningkatna wawasan ilmu karo ketrampilan wong tua nggo ngerawat, ngasuh, karo pendidikan anak ning jero keluarga dewek nggo landasan dasar-dasar sikap-sikap sing bener. Parenting atau pola asuh wong tua nggo anake yaiku : menuhi kebutuhan fisik yaiku maem karo minume, menuhi kebutuhan psikologi yaiku perhatian nggo anak, rasa aman, cara ben bisa urip damai, tentram, selaras, bisa nyesuaina karo masyarakat lingkungane.

Manfaate ilmu parenting:
1. Bisa ningkatna kesadaran bahwa deweke kue wis dadi wong tua karo wis nduweni anak sing kudu diasuh, dididik sing bener.
2. Ningkatna ketrampilan nggo proses cara didik atau cara ngasuh anak  
3. Ningkatna antisipasi nggo segala sesuatu, karna nek anak lagi nduweni masalah, wong tua bisa mbantu nei solusi karo bisa ngerangkul anake ben anak bisa nduweni rasa aman, rasa nyaman karo wong tua, juga nggawe anak dadi luwih tenang nggo ngadepi masalahe.