Plakkk... Pipi saya ditampar teman yang bermaksud mengingatkan. Yang bener kalo buat tulisan ! Asal goblek aja Ente ! Ati-ati ! Salah-salah kena somasi ! Mules tauk ! Kepinteran amat ! Emang ni lapak punya bapak moyang lu !
Ane cuman manggut-manggut doang. Nyadar juga kalo banyak kekurangan. Tapi kan ? Plakk...! Ditampar lagi.
Iye-iye Ane ngarti dah ! Maapin ye Bang. Ane kan cuma.... Plakkkk ! Ditampar lagi.
Jadi inget jaman dulu, taon 70-an, waktu ngaji sama Kong Haji Enjen. Yang ngajarin matanya kesip-kesip, udah ngantuk. Kita rame-rame pada ngederes. Kalo ada murid yang bacaannya salah, entah darimane tuh sendal, tau-tau udeh nempel di jidat. Pletakk... Maattt ! Ulangin ! Bentaknya. Itu cuma salah ngucap, gimana kalo bercanda.
Plakk... Pletaakkk...
Dua-duanya sama. Sama-sama ngingetin, ngasih tahu. Kalo udah dikasih tahu. Harusnya sih jadi tahu. Jadi ngerti. Paham.
Nulis ternyata nggak gampang. Tadinya Ane mikir cuma mindahin dari kepala ke komputer. Klik. Publish deh. Nyatanya lain lapak lain aturan. Kata Mbahwo, kalo bisanya cuman nulis. Mending ente corat-coret di tembok kamar mandi. Bujuggg !
Kata Bang Jul, Ente kalo main posting sembarangan bisa bikin mules yang baca. Hedeeehhh... Katanya Bro Arrie, kualitas Bro ! Kualitaasss !!! Sambil begaya mirip sutradara.
Ane cuma bisa melongo dengerin nasehat pakar. Bener juga ya ! Ngapain Ane ikutan di lapak beginian kalo nggak ada kemajuan.
Tong, elu ngaji yang bener. Jangan ngejeplak doang. Jangan cuman hapal doang. Ngarti kagak lu artinye ? Kalo lu ngarti, lu amalin, selamet dah dunia akherat... Versi Kong Haji Enjen.
Emang kalo' ilmu boleh nutur repot. Comot sana comot sini. Kagak dapet soul nya. Soul ? Pake bahasa sono ah dikit biar dibilang pinter. Kalo cuman nulis kagak pake aturan, kagak tau juntrungannya, namanya pepesan kosong.
Ini KOMPASIANA BUNG ! Ada yang nyeletuk dari pojokan. BAH !! Bang Posma rupanya. Baeklah Bang... Ane paham.
Ente tanggung sih, mentah !, bikin tulisan kagak ade sanad nye, Bang Haji Saukani nimpalin. Kalo ibarat hadist jatohnye hadist dhaif , lemah, bisa batal Ente, kata Bang Haji mesem-mesem.
Perhatikan teknik penulisan, gunakan tata bahasa yang benar. Jangan asal British. Nah lo ! Pak Guru JW ikutan nasehatin.
