“Apa itu, Gonggo?”
“Laba-laba, Mister. Kalo Mister bilang, Spider kali ye?” Mister Erick manggut-manggut, trus langsung bikin catetan.
Jokrem ngoceh lagi, “baru pada abad kedua puluh, Stanley Martin Lieber, yang ternyate cicitnye Mister Erick, nemuin catetan ntu. Trus pade taon 1962 die bikin komik yang judulnye Spiderman, lewat penerbil Marvell. Sayangnye, Mat Gonggo keburu mati terkena wabah kolera.” Jokrem nutup ceritanye.
“Ah, lu mah ngarang aje kali, dapet cerita dari siape, lu?”
“Kemaren, dari postingannye kong Matar Muhammad, dedengkot Tenabang.”
Gue langsung ngelempar konci mobil, dan ditangkep ame si Jokrem.
“Mau ke mana kite, Bos?”
“Ke Tenabang, nemuin kong Matar, kalo die kaga ade di rume, kite langsung aje ke pasar Tenabang. Gue juga mau pesen kaos kaya punya lu, tapi tulisannye mao gue ganti jadi, Mat Gonggo!”
***
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
