Bubuk Opak Kakaren Hajat

(Sajak Sunda)

Nguliat hudang tina sare tibra

Ret dina meja aya bubuk opak

Belengeh seuri bungah dina dada

Kabayang dahar bubuk opak kacida ranguna

Bubuk opak dahareun sesa hajat

Geus biasa sok aya kakaren nyesa

Kabiasaan dilembur dibagikeun kadulur jeung tatangga

Bukti nyaah bukti silih tumarima

Mun hayang apal Kumaha rasana

Pek asaan nikmatna kacida 

Komo mun keur lapar balik gawe balik nyaba

Diuk ngademprak dimimitian maca Bismillah

Dina bubuk opak aya kanyaah

Aya rasa syukur pangeran ngalancarkeun sagalana

Nyukuran nimat nu geus ditarima 

Yakin kana papasten dina alusna boh dina gorengna