Taniwel Itu Cinta

Taniwel
Tanah, nyong deng nona rawat cinta dari Kasieh, Nukuhai sampai Nakaela
Tanah, ana cucu panggayong kole-kole deng bahagia di Sapalewa
Tanah, bapa cari kayu bakar par kas manyala api cinta di tungku Ina Ama
Tanah, leluhur sembahnyang pono harapan-harapan par tuhan di surga
Tanah, Segala Cinta tumbuh subur di Nusa Ina

Taniwel
Kalo hutan-hutan su berubah wajah jadi lubang-lubang hampa
Kalo batu-batu su berubah wujud jadi marmer par pengusaha
Kalo burung-burung manyanyi duka tagal walang dapa babat secara paksa
Kalo mama su hidangkan air mata di atas dulang tagal Sagu Kasbi hilang rupa
Masyarakat adat tampong nyali inga sejarah
Melawan dengan segala cinta, kaya Pattimura deng Christina

Taniwel
Tanah sagala adat tabungkus suci dalam jantung Saka Mese Nusa
Tanah sagala pamali tumbuh di ujung doa-doa keramat pono darah
Tanah sagala sasi terawat karna moyang pung petuah
Tanah sagala cengkeh pala tumbuh par ana cucu pung masa tua

Taniwel
Tanah bagi pengusaha dan penguasa jadi saudara dari rahim rupiah
Tanah bagi pejabat daerah lupa adat karna duduk manja di singgasana
Tanah bagi pembangunan dan perampasan jadi satu tubuh beda jiwa
Tanah bagi rakyat deng pemerintah desa makan patita par jaga ana cucu pung jatah
Tanah bagi pattimura muda bersatu melawan karna saudara atas nama cinta
Tanah bagi leluhur pung rindu jadi senjata kasi tumbang investor pung kuasa

Sebab Taniwel itu cinta
Tanpa cinta katong bukan siapa-siapa !!!
Mari melawan karna cinta

Tuan Muda Tormas
Waiheru, 02 November 2020