Nduk, Swarna Hati, maca geguritanmu Simbok kecuntal-cuntal kaya diuber setan. Kowe iku nulis apa jumpritan? Mlumpat kana mlumpat kene, persis kethek ing nduwur wit-witan.
Sik tho Nduk, aja nesu disik. Dudu kowe sing kaya kethek, nanging caramu nulis iku! Bablas lan kesusu. Coba belajar sabar sethithik wae. Kareben runut tur apik asile.
Swarna Hati, kenya ayu kang nduwe esem marak ati. Dak elingake sepisan maneh ya, Nduk. Yen nggegurit ora pareng grusa-grusu. Ditata disik langkung rapi. Kareben sing maos geguritanmu bisa mengerteni apa sejatine kang arep mbok sampeake.
Wis kene. Cedhak mrene. Rungokake pituture Simbok kang pungkasan. Sinambi lungguh dingklik karo petan.Â
Sing anteng ya, Nduk, aja biyayakan.
Ora ana kekarepan kang bisa digayuh sacara instan. Saben lelaku mbutuhake wektu lan kesabaran. Semono uga bab ngrawit geguritan. Sansaya sregep olehmu ngasah lan sinau, sansaya endah lan ngandut bobot tulisanmu.
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
