Mim, cah bagus. Krungu-krungu kowe mlebu nominator fiksianer terbaik. Apa tenan?
Sik, sik. Aja mesem lan gumuyu disik. Dadi fiksianer terbaik iku abot sanggane. Nek ora kuwat kowe bisa gendheng!
Mulane Mim, pikiren kanti ati marem. Penggalihen nggango manah lerem. Ora usah grusa-grusu. Ora perlu mikir neka-neka. Apa maneh bingung mengko munggah panggung nampa piala, kudu nganggo klambi apa.
Siji maneh, Mim. Dadi fiksianer terbaik iku kudu siap mental. Ora sregep nulis dirasani. Sregep nulis ya, dirasani. Apa sing mbok gagas dadi sorotan. Apa sing mbok lakoni dadi pacelatonan.
Loh, piye tho, Mim! Dituturi Simbok kok malah ngorok? Calon fiksianer terbaik iku kudu akeh tirakate. Ora mung betah melek nanging uga kudu betah luwe.
Wis enggal nulis kana! Mumpung rembulane lagi ndadari. Mumpung udane durung salah mangsa. Mumpung isih akeh wong sing wuyung nandang tresna.
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
