Ngundeur Luang Pangalaman Ti Sesepuh Guru Basa Sunda di Bogor

Lain diadu bincurang sok komo ngagunakeun samakta pakarang. Lain, lain kitu. Nyiar luang pangalaman mah nya ti papada urang. Langkung hade ti pinisepuh nu tos legok tapak genteng kadek. Nu senior tea. 

Mungguh kitu basa patepung jeung Drs. H. Ruchiyana Bichri,M.M. di bumina Kampung Raweuy Dsa Sukasirna Kacamatan Jonggol Kabupatn Bogor saban nu kaluar tina bahamna stu seueur luang pangalaman nu pikatajieun. Boh pangalaman basa janten guru aktif di SMAN 1 Jonggol, SMA PGRI Jonggol tug tepi ka luang pangalaman anjeunna basa jiarah ka Tanah Suci Mekah Al Mukaromah.

Pa H. Bichri, kitu nenehna sapopoe nyebutkeun urang minangka guru salian kedah profsional oge kedah seueur silaturahmi.

"Silaturahmi teh tiasa aktif di komunitas modl Musyawarah Guru Mata Pelajaran (MGMP) boh ngalangkungan kalangenan atawa hobi maen bal atawa futsal upamana," ceuk H. Bichri nu basa di SMAN 1 Jonggol aktif di kleub ELMAS singgetan tina Eleh Meunang Seuri. Hiji kleub bola nu kawilang kawentar di sakuliah Jonggol jeung budeureunana. 

Bichri nandeskeun, ka para guru kedah tetep sabar jeung ihtiar merjuangkeun basa Sunda jeung profesi guru. 

"Dalah dikumaha urang mah pejuang basa Sunda. Abdi oge saban aya gegeden ti Jawa Barat atawa ti Kabupaten Bogor upama aya nu ngalanto ka Jonggol teu bosen bosen meredih malar aya kawijakan ngangkat darajat guru-guru basa Sunda," ceuk Bichri pituin urang Bandung tapi ti taun 1980-an nganjrek di Raweuy Jonggol sarta pakarangan bumina euyeub ku rupa-rupa tutuwuhan kayaning kadu, jambu kulutuk rambutan, jeung jeruk mipis.

Jeruk mipis ipis ti kebon H. R. Bichri (foto Djadjas)