Jamane saiki jamane On-len, nang nDesa karo nang kutho podho wae serba On-Len, opo-opo serba on-len, kirim surat on-len, kirim gambar foto ya on-len, serba cepet, lagek dikirim mak cling langsung tekan tangane sing di kirimi, sarono inpormasi serba gapang senajan jarake uadoh pol “seolah-olah dunia dalam genggaman tangan”.
Inpormasi serba cepet, kudune ugo pengaruh karo kerjonan ugo serba cepet, aning masalah kerjonon malah dadi sak walike kerjonan sing kudune di kerjani setengah dino malah dadine sedino, sebape lagek keja sedelo wis muni mak cling HP-ne ono kiriman sms teka kancane, dadi kerjonane di glethakne mbukak sms disik lan mbales sms, meko lagi delit nyambutgawe maneh ono muni clong, ono komen mlebu mergo bar kirim setatus nang Negoro Pesbuk sing lagi derep, akhire kerjaan derep ora ndang rampung.
Ora sah nggumun lawong ketemu jodho wae nang Negoro Pesbuk, malah critane tanggaku Lek Atemo Keling, anake kawin ugo nang Negoro Pesbuk merga olih pacare ugo ning Negoro Pesbuk.
Aku mung ngrungokno critane Lek Atemo Keling karo mbah Kasan Kliwon, ngene gunemane :
Mbah Kasan : Mo jare anakmu wes kawin, aning aku kok durung krungu kowe mantu naggap Jidur.
Atemo : Yo kuwi mbah aku dewe yo bingung ngrasakne bocah saiki, aku di kabari kancane anakku, anake kang Darmo Gandul si Peni, ngomong jare anaku wis kawin nang Negoro Pesbuk, di sekseni karo beranda, jare angger wis ono 10 kancane sing laik uwes sah olehe kawinan. Mengko nek duwe anak arak di tranfer bapakne nang nDeso.
Mbah Kasan : Malah kepenak kayane ya Mo, kawin ora nganggo biaya ngerti ngerti sesok kowe oleh traferan bocah bayi teko Negoro Pesbuk. Tukang nJidur ora payu, tukang adang ora payu, tukang ndekor ya ora payu, dhalang manten ora payu, nganti tukang gawe undangan ya ora payu, tukang sewa tenda ora payu, aning awake dewe ya njur ora nganggo kondangan barang ya Mo.
Atemo : Iyo yo Mbah, njuk bocahe kuwi tenanan pora yo Mbah ? pitakone Atemo
Mbah Kasan : Ya embuh Mo, aku dewe ya mumet ngrasakne putuku sing nang Cikarang, jare duwe anak aning urung ijab kobul,apa ya merga kawin nang Negoro Pesbuk kuwi.....Mbah Kasan karo garuk garuk sirah terus lugo ngloyor ora pamit.
Yo ngono kuwi nek kabeh kabeh serba on-len, jamane soyo maju, teknologi informasi soyo canggih, opo-opo serba gampang, mergo mandengi HP terus wong nganti lali nyopo tonggo teparo sing nang ngarep moto, mripate mung mandengi HP terus ora leren-leren, karo drijine pating kethuil njawili HP terus ora ono enteke, sing di jawil ora tau suwolo, malah sing njawili ngguya-ngguyu dhewe koyo wong ed*n.
Salam seka ”Negoro Pesbuk”.
