Duka tah jigana euweuh nu lebar balanja nu teu perlu gara-gara lebaran Duka tah jigana kartu kiridit beakeun limit gara-gara lebaran Duka tah jigana aya anu naek wibawa gara-gara balik ka kampung make apansa pas lebaran Duka tah aya nu rekening tabungan ledis purutul demi lebaran Duka timana tah kecap "anyar" kudu aya dina poe lebaran Duka timana tah kecap "pamer" ngahiji jeung lebaran Duka tah aya anu perlu dilestarikeun cenah da kabiasaan jeung budaya lebaran Duka tah jigana aya nu merdeka gara-gara sabulan campleng sagala dilarang Duka tah jigana aya nu jumawa gara-gara asa kasampeur laelatul kodar dina akhir deuk lebaran Duka tah jigana kopeah jeung baju takwa ngendog deui na lomari da geus lebaran Duka tah jigana masjid ngalegaan sabab geus lebaran Duka kumaha sabar leungit saenggeus lebaran Duka kumaha nu bobogohan dinu poek aya deui sapoe tas lebaran Duka kumaha nyogok geus di siapkeun deui tas lebaran Duka ceuk saha dosa urang dijamin beak saberes lebaran Duka ti iraha "Kumaha Aing" aya deui saprak lebaran Duka sabaraha anu sedih dina akhir sasih siam Duka kumaha pami lebaran ieu anu akhir keur urang Duka ah
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
