"..Posone wong jowo..."
Delo maneh sasi poso wayahe noto rogo roso lan cipto supoyo luwih temoto, nadyan polah urip isih ora karuan.. ora tumoto anaming kunjuk puji syukur marang gusti kang hakaryo jagad kito isih di paringi wektu nemoni sasi kang nuntun kito sami eling marang jagad kito dewe.. syariat tuntunan poso iku banget perlune amergo yen ora ono tuntunan poso menowo wong sak jagad ora bakalan poso, emo semono poso sak temene iso banget nuntun rogo roso lan cipto kito saget sak eko proyo lempeng lan jejeg marang tatanan kang wus ginelar gumelar soko Pangeran kang lumantar poro nabi lan wali.
Hakekat poso iku ngendaleni utowo ngatur rogo roso lan cipto supoyo iso manut mundi dawuhing Gusti
Poso ono 3 ( telu ) perkoro, yoiku poso rogo, roso lan cipto
Poso rogo.. iku perlune kanggo mengku rogo, kuoso marang rogo ugo yekti marang rogo supoyo rogo iku ora bakalan rusak yen durung titi wantjine
Akeh wong lali ora ngrumat rogone mulo rogone banjur rusak loro lan ora kanggo gawe, wong kang seneng mangan ora aturan, temandang ora manut tatanan, mulane ragane banjur rusak.. koyo dene wong kang seneng ngombe alkohol, rokok, mangan sik ora miturut aturan kabeh mau iso marak ake rusak rogone banjur ora keno di tulungi maneh senadyan kasukmane lan nyawane isih iso urip anaming ragane ora kuat maneh lan mati ragane.
Wong kang temandang ora tatanan ugo iso marak ake rogo nemoni ciloko, contone wong kang numpak motor ora ati2 banjur nemoni kacilakan tabrakan, rogone rusak anaming sejatine kasukman lan nyowone isih iso luwih dowo umure.
Perkoro mangan yen di toto kanti poso ugo marakake badan kito sehat lan kuat.. wong yen ora tau poso mangane okeh iku ora kabeh pangan kanggo neng rogo.. ono sik marai racun ugo, mulo kerjo rogo dadi abot mulai soko cangkem usus lan ati.
Yen kolo wektu gelem poso kerjo rogo dadi ora abot, kerjo ati/ lever ugo enteng merangi racun neng awak mulo awak resik soko racun banjur sehat.
Poso roso.. roso iku kanggone wong jowo perlu ugo di toto lan di peper amergo roso iku mulo bukane rogo polah.. meper roso sik ora becik iku wajib lakune.. misale kita kudu latihan ora nesu marang bojo.. anak.. lan marang sapanunggalane.. yen roso nesu metu enggal enggal njaluk pangapurane gusti kanthi moco istighfar.. yen kulino noto roso ati bakalan kepenak pikiran tentrem mikir iso landep lan paling penting atine resik lan wening.. mulo poso roso iku becik di lakoni kanthi temenan kanthi roso luweh lan eling, kita bakal tansah eling yen lagi nglakoni kebecikan kan diarani poso.
Poso tingkatan cipto.. sak jeroning cipto iku ono jiwo, nyowo lan sukmo.. jiwo iku alam pikir, nyowo iku sik nguripi lan sukmo iku dayane wong urip.
Poso cipto sik paling dasar iku meper pengangen angen, pinganggit lan bathin kang ora becik, ora keno mikir ake barang kang olo, ora keno duwe pinganggit lan bathin kang olo marang sopo wae titahe Gusti, enggal istighfar yen nemu pinganggit kang olo..
Hakekat poso ugo meper howo nafsu, nafsu iku kabeh kekarepan, ing agomo islam nafsu iku di bagi ono 4 perkoro yoiku amarah, lauammah, supiah lan muthmainah..
Wong klebu isih manggoni nafsu amarah iku wong kang gampang nesu, nek omong sero lan kasar, nek mangan okeh, ora gelem kalah lan ngalah.. iki nafsu kang paling olo lan elek, mulo ojon nganti nafsu iki mbok turuti amergo bakal nyilakakke.. poso gunane kanggo meper nafsu amarah sing ora becik iki..
Wong kang klebu manggoni nafsu Lawammah ( jowo aluamah ) iku wong kang senengane kepenak.. mangan enak.. kerjo penak.. bojo ayu.. omah apik.. motor apik..ora gelem rekoso pingine kepanek wae, isih seneng banget karo bondo donyo seneng karo pengalembono.. mulo iki kudu di perangi kanthi poso.. supoyo kito ojo mung gelem penake wae.. kudu gelem nglakoni prihatin, temandang ngudi rejeki kang iso murakapi kanggo liyan.. ojo seneng bondo donyo amergo mung goda yen ora ngerti dununge.. kudu melu hamemayu hayuning bawono..
Wong kang klebu ing nafsu supiah iku wong kang wis ora gampang nesu, gelem tumandang lan ikhtiar anaming isih koyo watake bakul.. gelem nglakoni anaming isih ono pamrih.. gelem rekoso mergo ono untung lan bathi.. nafsu supiah iki klebu wis apik.. wis gelem mlaku syariat anaming ikhlas durung duwur amergo isih ono pamrih ganjaran...
Wong kang klebu nafsu muthmainah iku wong kang lakune koyo banyu.. koyo kali lanang kang soko sumber tekan segoro tetep menang senadyan ono tempuran tur tekan panggonan kang di tuju..
