Padusan: Kabudayan Kang Rutin Ditindakake Dening Wong Jawa Sadurunge Wulan Suci Ramadhan

Kaya sing wis dingerteni, Indonesia nduweni akeh kabudayan saka macem-macem wilayah. Salah sijine yaiku Jawa. Ing tanah Jawa akeh banget kabudayan kang kudu ditindakake dening wong Jawa. 

Ing jaman globalisasi iki, akeh para mudha utawa para remaja kang wiwit nglalekake tradhisi ing dhaerah asale. Salah sawijine tradhisi tradhisi Jawa, yaiku 'padusan' kang ditindakake sadurunge pasa Ramadhan. 

Umume padusan ditindakake dening masyarakat Jawa Tengah lan Daerah Istimewa Yogyakarta (DIY).

Tradhisi padusan iki asale saka masyarakat Jawa lan nduweni maksud kanggo nyambut wulan Ramadhan. Istilah 'padusan' asale saka tembung 'adus' sing artine 'siram'. Dadi, istilah 'padusan' tegese adus suci kanggo ngresiki awak sadurunge nampa wulan Ramadhan. 

Biasane padusan ditindakake sedina sadurunge pasa ing wulan Ramadhan.

Ancasipun padusan piyambak inggih punika supados nalika rawuhipun wulan suci Ramadhan, sedaya umat Islam saged siyam kanthi kawontenan ingkang suci jiwa raga. Padusan uga nduweni teges kang jero, yaiku minangka sarana kanggo muhasabah lan intropeksi marang maneka warna kaluputan kang ditindakake.

Tata cara padusan ingkang saged dipuntindakaken inggih menika, dipunwiwiti kanthi ngumbah tangan, ngresiki najis, wudhu lan shalat, adus wajib, lan pungkasanipun ngumbah awak.

Menika maneka warni tradhisi Padusan ingkang boten nate dipuntinggalaken dening tiyang Jawi, kangge nyambut rawuhipun wulan suci Ramadhan.