Yang Ada di Arab dan (Mungkin) Tidak Ada di Indonesia

Bukan bermaksud untuk mengenyek ato mengakak ngakakan beberapa hal ini, apelagi buat ngejatohin wibawa negara ngarab atopun nkri. Beberapa hal yang ade di arab dan mungkin kagak bakal ditemui di Indonesia. 

Cekiprot...

1. Di Indonesia, orang yang udeh pernah pergi haji ke tanah suci, ketika di kampung cuma dipanggil dengan namanye doang jarang yang mau noleh. Kalopun noleh pasti mukenye ditekuk. Udeh gitu biasanye nama aslinye malah kagak kesebut karena udeh ketambahan 'pak haji', 'bu haji', 'bang haji','kong haji', dan seterusnye. Sementara di arab, mau hajian ampe seratus kali juga tetep aje dipanggil pake nama die doang, kagak pake haji hajian segala. 
2. Di Indonesia tepatnye di kampung ane ade namanye Kumpul Kebo, itu tuh yang di mana ade sepasang pria wanita bukan suami istri alias bukan mahrom tapi udeh tinggal serumeh. Kenape dinamain kumpul kebo? Karena di Indonesia binatang yang terkenal ndableg ye cuma kebo. Berhubung dimari (arab) kagak ade kebo mungkin kalo ade kasus ngumpul serumah bukan pasutri bakal dinamai kumpul onta.
3. FYI, ane tinggal di Riyadh. Ane suka terkagum kagum ame anak anak dimari. Bayangin.. Anak anak kecil usia 10 an taon bahkan banyak yang berumur 5 taonan udeh pade pinter ngomong pake bahasa Arab!. Sementara ane yang bertaon taon dimari dan udeh bangkotan cuman ngarti Thoyib doang. Sementara di kampung ane bocah bocah kudu sekolah arab untuk mempelajarinya. 

Udeh cukup tiga aje dah sementara, kalo kepanjangan ntar kena semprit dah. Soalnye lagi musim hate speech hate speech an yang pade dimangpaatin jadi hate beneran 'cuma' gegara beda pandangan policik doangan, itupun pade mendadak pinter ngoceh policik walo cuman di dumay aje. Ampun dah orang orang ntu. Wakakaka...

Ade yang mau nambahin?

Salam Kereria...