Ahok Jangan Keseleo Lidah Lagi

Koh, ane ikut priyatin koh ame ape yang udeh kejadian kemaren. Jujur ane nge-fans sama ente, cuman karena ente kemaren keseleo lidah ane jadi ikutan deg deg ser begimane gitu. Apelagi setelah ntu em u-i ikutan ngeluarin patwa yang menjurus ponis ke ente. Udeh bise ditebak, efek gaplenye kemane mane, dan menjadi kesempatan para ormas ormas sok jagoan buat pade turun ke jalan ampe ngerusakin taman. Pan kesian ntu para tukang bersih bersih pemkot yang repot.

Koh, ane sih babar blas kagak kesinggung ato ikutan latah ngehujat ente, cuman ane jadi gak kaget ame kelebayan orang orang kaku tadi, mangkanye ane milih menyimak aje karena kalo ikutan nyablak ntar dikira ngebela kapir. Walau begitu ane tau ente jelas kagak ade mangsud buat ngehina suatu ayat dari kitab suci yang kebenarannya juga ane yakini. Sayangnye koh, kagak semua orang gableg pemikiran nyeleneh tapi luwes gak kaku macem ane ini yang mau ngeliat persoalan dari beberape sisi, mereka cuman demen yang instan instan alias inpo yang cuman seuprit. Inpo inpo sesat yang menggiring ke SARA, tentang pelecehan agamalah, de el el de el el. Justru ane malah tersinggung ntu yang jelas jelas make nama agama buat keuntungan pribadi macem padepokan AA Ngatngot Mbrajamusti, ato Dimas Ganteng Taat Pribadi. Tuh! 

Sejak awal dimuatnye ntu video plus caption yang sepotong potong ane udeh ngeh kalo bakal berbuntut panjang, mengingat masih banyak masyarakat kite yang gampang diadu domba, belon lagi tokoh policik di lingkaran sono yang haus jabatan ame kuasa, ane yakin di antara orang serakah ntu ade yang kagak suka ente koh, mereka lagi nunggu nunggu ente keseleo lidah lagi dan mungkin bakal lebih dilebay lebay in dari yang ini nantinye. So koh Ahok, sebagai fans rahasia ente ane kepingin ente kagak keseleo lidah lagi terutama yang nyangkut keyakinan orang laen koh. Pan sayang banget, prestasi mentereng ente jadi tercoreng cuma gegara isu norak yang menurut ane cuma masalah enteng. Parahnye lagi kalo ade yang melihat sebuah isyu berbau sara dari banyak sudut pandang malah dipojokin bagian dari konsepirasinye wahyudi ame remason, panas koh orang balsem.

Dan lebih membanggakan lagi ente mau minta maap secara terbuka koh, ane apresiasi sikap ente sebagai sikap seorang negarawan yang siap dikoreksi dan sensitif ketika ada gejolak di bawah lalu menyadari dan segera memberi tanggapan bijak untuk menyudahinya, salah satunye ye dengan permohonan maaf ntu. Two thumb dah buat ente koh. 

Go Go Go Ahok!!!

Salam Kereria...