Lir arka makarya agni
Sasmita nala kang yogya
Datan kaloka tan orem
Luh ludira kardi yoga
Sihing datanpa mangsa
Reh amrih merjaya ngelmu
Dados janma kang miguna
Duk atma anggung nyidrani
Sarwi kekitrang kang ala
Sih ngaksama sarwa sareh
Nuladhani paramarta
Aywa nglakoni dosa
Agya pangapunten agung
Kalihan rena lan yayah
Parafrase:
Kaya srengenge nyambut gawe kanggo genine
Tandha ati kang becik
Ora kesuwur ya ora sesambat
Luh getih kanggo anak
Kerana supaya berhasil dadi wong berilmu
Dadi manungso kang miguna
Nalika anak tansah cidra
Tingkahe macem-macem kang ala
Wong tuwa isih nyepuro tansah sabar
Nuladhani budi luhur
Aja nglakoni dosa
Gelis nyuwun sepuro gedhe
Marang ibu lan bapak
Makna: dadi bocah aja dumeh, aja nyidrani wong tuwa. Senajan dheweke pinter ora oleh dumeh marang sapa wae. Kudu tindak becik marang sapa wae, utamane ibu lan bapak. Yen duwe salah kudu aglis nyuwun sepuro lan ora oleh dibaleni maneh.
Nama : Adi Sintya Sumajaya
Kelas : X Mipa 2
No : 02
Follow Instagram @kompasianacom juga Tiktok @kompasiana biar nggak ketinggalan event seru komunitas dan tips dapat cuan dari Kompasiana
Baca juga cerita inspiratif langsung dari smartphone kamu dengan bergabung di WhatsApp Channel Kompasiana di SINI
