[caption id="attachment_211467" align="alignnone" width="436" caption="Pangilon. Berkaca. Gambar: alfredtuname.blogspot.com"] [/caption]
Aja duwe panemu kliru, yen pangilon utawa kaca rasa kuwi mung kanggo macak utawa nalika arep nganggo busana sadurunge melu kondangan utawa tindakan.
Ajining raga saka busana.
Pangilon kanggo kaya mangkono pancen ora kliru. Sapa ta sing ora kepingin katon ayu, nggantheng, lan sarwo pantes sing marakake liyan padha kesengsem. Ajining raga pancen saka busana sing mathuk. Ora asal nganggosing marakake dadi gunemane liyan saora-orane dibatin....
Pangilon ora mung kanggo ndeleng slirane dhewe wis pantes apa durung. Nanging uga kanggo ndeleng sapa ingsun lan sira satemene. Pandengen sapa sing ana ngarepe pangilon kuwi...
Ajining dhiri saka lathi.
Ingsun lan sira pancen katon ayu lan nggantheng nalika nganggo pengagem kang sarwo mathuk. Saya tambah ayu lan nggantheng yen sakebehe pacelaton lan omangane ingsun lan sira bisa dadi seger, adhem, lan tentreme swasono lan liyan. Ngomong sak ngomong ora dadi cuwane liyan.
Ajining jiwa saka agama.
Ayu lan ngganteng, piadeg lan lumaku iku mung raga, bisa owah. Solah bawa lan pitutur kuwi aja mung saka lathi nanging uga saka ati utawa galih. Apa wae sing ditindakake metu saka lathi kang didhasari agama bakal dadi penganggel kang aji.
Nyuwun duka menawi seratan menika andadosaken panjenengan sedaya mboten sekeca amergi kados pitutur kagem panjengan. Nuwun
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
