Kabeh janma kang tumitah
Ing donya akarya sinunging budi
Rinakit mring budi luhur
Wasis myang wicaksana
Karya laku puja puji nut tinuntun
Anggeng geng karseng jeng pangran
Sembah sumungkem myang bekti
Nging gora godha tumiba
Mawarah mring sira kepati-pati
Jroh manah anggung gumunggung
Jlog dumrojog anjangka
Angliput sedya mbacut myang balilu
Nguja hawa budi candhala
Adiguna ndedel mencit
Kawentar suwur akongas
Ngangkah angkah surakah angekahi
Blilu myang nepsu angkara
Amburog dreng tumiba
Karya bilahi tan wring senening kalbu
Temah kemba tan piguna
De tan bangkit angkibi
Kawruh luhur tyas binuka
Rumamyang tinyawang langening dhiri
Den sungkan greget amungup
Nalar bingar ang lela
Sugun sugun angadhep karseng Hyang Agung
Anggilut necep sarira
Mrih begja gesang pribadi
