diancuk!!!!
bom maneh, ngebom maneh
lek koen gendheng, nggendheng-nggendhenga dhewe!
embong jek dawa, prapatan-prapatan jek apikan
kanggo nampani-ngramut wong gendheng
kaya dhapuranmu
; gak usah njaluk mati mrotholi ndok dangkane wong liya!!
ndok endi nggone utek-atimu? wong dhapuranmu
milih ngrusuhi panggonan-panggonan ngibadah,
nandur winih gegeran mambu-mambu agama
antaraning tangga karo tangga,
antaraning sedhulur karo sedhulur,
antaraning peno karo aku,
diancuk!!!!
lek ancene kandel kulitmu,
gak ngunu carane nggolek mungsuh, cuk!!!
thukna raimu, takgedhig cengelmu!!
aja mek slinthutan, ndhelik-ndhelik terus macak
alim tapi klakuwane adoh teko prejengane wong ngerti ngaji.
Metuwa, Cuk!!!
Isin-isini wong Indonesia ae!!!
______________
Girilusi, 26 September 2011
