Alhamdulillah, setelah molor sebulan lebih akhirnya antologi geguritan “Esem Ligan Randha Jombang” yang merupakan kumpulan geguritan bertema cinta karya saya sendiri, Anjrah Lelono Broto, minggu ini turun cetak.
Berikut ini beberapa geguritan dalam antologi “Esem Ligan Randha Jombang”:
========================
Lagu Wengi Ing Sawijing Gang
ing kekeban ngalem lampu merkuri, ing pundhak cagak-cagak
listrik kang kebak memitran, sliramu lan sliraku rumangsa
saya tuwa
pasuryanmu kang rinonce dening lawe-lawe abang kang dawa, sunar
mripatmu kang landhep tumunjem ing jaja, kaya
kepengin ngrungkepi katresnanku jroning
rajapati tanpa kumucuring getih. Nanging pepati
wingi ora liwat ngiring omahku, dheweke ngilang
ing ngisor-ngisor jembatan, ing sungapan-sungapan kali, ing
walike lawang toilet umum sawijining terminal. Nalika
tanganku ngaras janggutmu, alon. Dakrasakake
landhep kang luwih lan luwih :
why does extraordinary beauty
always unsheates its knife ? Like the twilight who
imlans an answer that I can never utter to you, I can never write it
on your underwear.
Surabaya, Erste Desember 2003
Sangisore Buku
Kanca lawas kang menehi kamar kanggo asu ajag jroning
atine, ora kanggo sapa-sapa. Ora kaya pawongan-pawongan kaningaya
kang ninggal tanah klairane kanthi kapeksan, aku
mung sethithik kelangan; godhong garing kang ceblok, pitakonmu
kang suwe ora mampir ing kupingku, lan
sawijining wanodya kang kelalen. Aku mung bisa nyawang
nalika dheweke nyimpen rapet jilbab-e jroning lemari,
nyaputake lipstik ing lathi,
ngobong surat-surat, lan
katresnanku
sangisore buku.
Padepokan Girilusi, 11 Juli 2004
Besut Sssst …..
Sssst …..
Sssst …..
Sssst …..
- Rus, kembang semboja wangi kembange
ditandur amor brungki
ojok mek mbesengut ae
sautana tah salamku iki
; assalamu’alaikum ...
-- teka-teka kok nyangking kembang Semboja, Cak Besut
brungki kathik kebek paku
ati mangkel ya mesthi mbesengut
tapi tetep taksauti salam peno iku
; wa’alaikum salam …
- paku ndok brungki yo kelet, Dhik
tapi gak koyok kelete cucuk karo buntut
atiku langsung cemleret, Dhik Rusmini, Dhik
krungu swaramu sing ulem koyok manuk Kutut
; tempene gosong tah, Dhik, kok nganti mbesengut?
-- mari mangan tempe gosong yo ngombe
gak nok banyu yo keseretan peno
alah, sampeyan ojok kakehan lambe
endi buktine janji peno pas nang pasar tuku clono
; jarene mari riaya iki apene nglamar aku …
- Dhik, kesereten terus yo kemeng
lek aku matek sing gelo sopo
Dhik… Dhik… peno nagih tah iki maeng
sabar thithik kenek opo
; sek, ngenteni bayaran manggung pameran ndok GOR
-- awak kemeng yo cepet diteplok lulur
utawa dipijetno, mumpung onok becak
umur gak kenek dijak kekancan, dianggep dhulur
aku iki tambah suwek, Cak (eh tuwek)
; ket mbiyen alesan peno mesthi ngenteni bayaran
bayaran manggung ndok GOR gak kenek dijagakne, Cak Besut
- emoh, wong becak mari digawe ngemot jagung, Dhik
mosok ditumpaki uwong sing ngganthenge uyel-uyelan
isoku mangan tekok bayaran manggung, Dhik
ya ngene iki resikone dadi seniman
; Tapi bener peno, manggung ndok GOR gak tau tepak jumlah
mbarek wektu caire
-- gantheng uyel-uyelan jare Markuwat
ngaku nggantheng lha kok igane nggambang
ssst, ojok banter-banter onok Sumo Gambar liwat
sampeyan engkok isok dicorek tekok daptar seniman Jombang
Sssst …
Sssst …
Sssst …
Kebonrojo, 2008
SMS Kang Ora Teka
Dakplayokake wektu
Ing gemontang bandhul jam kang jero
Ngirim SMS menyang nomermu
Ing selaning pring ora pethuk kang ngrembuyung
Nyilakake gegodhongan
Nyingkirake eri bebondhotan
Nyuklek camplang-camplang garing
Kang nggarit pulung ati
Dakkirim sms ing wengi kang adem
Ngliwati sepi kang ora sapa aruh
Ora medhot impen kang mili
Ing selanin pring ora pethuk kang ngrembuyung
Ing langit ngendi mboktitipake kangenku
Ing pangkon kang ireng, biru, utawa abang
Gawanen menyang pangkon kang semanak. Ing mripat horizon kang adoh
Pengin leren sliramu titip ?
Tangan atimu wis keju, ora lantip
Utawa, pangkon langit semanak pancen ora ana ?
Padepokan Girilusi, Medio Januari 2009
============================
[caption id="attachment_289931" align="alignleft" width="212" caption="Cover buku antologi "Geguritan Esem Ligan Randha Jombang""][/caption]
