Injil Matius Bab 2: 1-12 dalam Bahasa Sub-Suku Dayak Kerabat, Ketapang, Kalimantan Barat

BAB 2:1-12

BALA IYAKNG MAJUS DAI TIMO

1Dah Yesus dilahe di Betlehem di tanah Yudea kejeman aaja Herodes, datakng am bala iyakng Majus dai Timo ke Yerusalem 2lalu sidaknya te betanya: done bahbongkhe te, aaja iyakng Yahudi nang bau' dilahe te? Kami te bah ada maati bintakngE di Timo padenyaam kami datakng kitu' te kami na' nyemah Iae gaam." 3Ninga biita nya' te tekanyat am aaja Herodes te tamah seisi' kota Yerusalem te. 

4Ngasa piya' te disuoh e bekumpol semuaam bala iyakng tua bangsa Yahudi nang tau isi kitab Torat lalu iae te ninga ope kata sidaknya' done Mesias dilahe. 

5Kata sidak ke iae: "Di Betlehem di tanah Yudea, pade piyak am bungi nang ditulis dalapm kitab bala nabi te: 6Iko Betlehem, tanah Yehuda, iko sekali-kali ukatn nang palikng kocit di antaa sidak yang meentah Yehuda, pade dai ikoam kala' bangkit pemimpitn, nang kala' ngiintu bala ana' buahKu Israel." 7Ninga piyak te Herodes diapm-diapm nyapa bala iyakng majus tadi te lalu nanya' selokbelok ke sidak, sebila bintakng nya' timol te. 

8Dah nya' te iae nyuoh sidak ke Betlehem katae: "Kinun am ikapm paati bona-bona nga upah ope Ana' bia'nya, kala' kalau ikapm dah betomu tamahe padah ga' ke aku gi' akupun kala' nyemah Iae." 9Dah ninga ope nang dipadah aaja nya' te, sidakpun baangkat. 

Paatiam! Bintakng nang sidak paati di timo te ngiitn jalatn sidak sampe boonti di atas bongkah done Ana' bia' nya' diapm. 10Senang maam ati sidak te pas maati bintakng nya'. 11Sidak tama' dalapm uumah maati Anak biaknya' te tamah Maria, ineE, lalu sidak nyemah ana' bia'nya. Sidak muka' peti bongkah eeta benae, sidak moi' omas, monyan tamah mur ke Ana' bia' nya' te. 12Pade dah dipadah dalapm mimpi inang madah ke Herodes, sidak pulang dai jalatn pintas ke negei e.