Kurupuk mangrupa sala sahiji jenis kadaharan jajanan nu ilahar aya di warung. Najan kitu, di sababaraha wewengkon, utamana di Tatar Sunda, kurupuk biasa dijadikeun batur dahar, boh dahar sangu atawa dahareun beurat séjénna bah hucap, baso, lotek jeung sajabana. Ibaratan eweuh lauk nu teu ngeunah mun sabarengan jeung kurupuk, kabeh usia geus lumrah kana kurupuk.
Bahan dasar kurupuk biasana sabangsaning tipung nu diadon jeung cai tur bungbu atawa rasa nu dipikahayang nepi ka dalit, diseupan, tuluy ditiiskeun. Bahan satengah jadi ieu tuluy dipotongan atawa dicitak sakumaha bentuk nu dipikahayang rek buleud, rungga-renggi, atawa kotak. Laju digaringkeun pikeun engkéna digoréng maké lisah kalapa atawa disangray. Sanajan kitu, kurupuk oge nimbulksun bahaya kana kasehatan mun konsumsina loba teuing.
Salah sahiji panyakit nu ditimbulkeun nyaeta résiko hiperténsi. Hiperténsi mangrupakeun panyakit nu muncul tina tinggina darah, hiperténsi ti kurupuk disababkeun tina takeran bumbu nu leleuwihan ngeunaan garem di kurupuk nyebabkeun lobana kandungan nu kacampur jeung darah. Kitu deui garem mangrupakeun bahan nu ngandung natrium tinggi ngabebankeun jalanna sirkulasi jantung.
Kitu deui kurupuk teh teu gampang diolah dina lambung urang, takeran minyak dina kurupuk bisa nimbulkeun obesitas jeung gagal ginjal mun konsumsina teu kena takeran. Kusabab minyak ngandung lemak sarta racikan kurupuk nu sok ditambahan ku wawarnaan atawa lilin pangawet geus ngabuktikeun bahwasana urang the kudu leuwih milih prodak kurupuk nu kualitasna bagus.
Kualitas kurupuk nu bagus lumrahna mah kaciri tina merk jeung rupana. Merk kurupuk bal-an pastina geus beda jeung merk kurupuk pabril nu geus jelas produksina. Kukitu deui rupana nu teu nyemtrik teuing warna atawa bau na, kusabab geus loba kurupuk nu make warna lain jeung konsumsi sarta bau kurupuk ulah kos bau plastik, bisi dicirian make bahan lilin.
Hiji kurupuk ngandung kalori 15 kkal, lemak 0,76 gram, karbohidrat 1,83 gram, dan protéin 0,22 gram. Pakar kasehatan nyarankeun urang sadayana sangkan ulah loba teuing komsumsi kana kurupuk, takeran nu dianjurkeun teh saminggu sakali sarta ngolahanana make pasir ulah minyak.
