Dulu,
Katong pung atap rumah pake alang-alang, dinding pake bebak, tiang dari kayu, berdiri di atas batu yang katong susun, lantai ju dari tanah.
Son masalah!
Katong semua di Timor buat rumah model begitu, katong pung budaya, katong semua sama, son ada yang beda. Katong son pernah ukur kemiskinan dari model rumah.
Sekarang,
Katong pung atap rumah pake seng, tembok semen, tiang beton, berdiri di atas campuran pasir, batu dan semen, lantai pake tehel. Katong semua buat begitu karena bilang katong miskin.
Katong malu!
Potong kayu besar di hutan, di mata air, katong bekin rusak tanah dengan hutan supaya jangan ada yang cap katong miskin.
Beta mau menangis!
Katong jadi alat politik, sekarang katong susah air, musim berubah, panas terus, katong gagal panen tiap tahun, bahkan gagal tanam.
Katong dituduh!