Limus asak murag tina tangkalna
Ninggang kana hulu kuda
Virus corona aya di mana-mana
Kukituna urang kudu waspada
Jalma sombong sok loba gaya
Hirup na awuntah jeung foya-foya
Rek percaya atawa teu percaya
Fakta na virus corona memang aya
Aya gaang dina kembang aglonema
Ngegelan tangkal sarta akarna
Lain saurang dua urang jalma
Tapi geus jutaan nu jadi korban corona
Kudu hormat jeung ajrih ku ulama
Nurut kana sagala nasehatna
Virus corona teu pilih-pilih jalma
kolot atawa budak jadi mangsa na
Sangu liwet ditumpangan ku peda
Angseuna nyambuang ka mana-mana
Kukituna urang kudu waspada
Supaya teu kakeunaan virus corona
Ulah sok ngalamun kamalinaan
Komo bari cicirihilan
Jaga imun badan sorangan
Terapkeun protokol kasehatan
Ka Cijoho malipir leumpang sorangan
Mawa salak jeung buah rambutan
Ulah poho make masker jeung cuci tangan
Oge jaga jarak jeung kerumunan
Ajengan mah cerdas jeung tegas
Jauh tina sipat heuras
Kurangan aktivitas jeung mobilitas
Ulah ngarasa sagala bebas
Kudu adil mun jadi pamingpin
Kudu nyaah ka fakir miskin
Jalankeun ikhtiar lahir jeung batin
Ulah embung lamun divaksin
Poe rebo sanggeus salasa
Buah cangkudu pait rasa na
Tapi kade poho ka Nu Kawasa
Kudu nyalindung ka Manten na
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H