[caption id="attachment_307930" align="aligncenter" width="460" caption="karikatur: www.kaskus.co.id "][/caption]
A (mahasiswa Papua):Pace, sa liat ko sedih, ada apa ka? Ko pu maitua kasputus ka?
B (aktivis) : E... ko su lupa ka? Parcuma torang demo sana sini kas dukung MSG dorang. Torang terpaksa masuk tahanan bayau.
A:Batul, Pace. Waktu MSG ke Papua, dorang tra urus HAM. Ko ada lihat dorang pi LP Abepura ka? Trada. Dorang malas tau deng tapol-napol. Torang sehat ka, makan cukup kah, kurus ato gode ka, petugas LP pung kalakuang karmana.. .
B : Itu sudah... dorang pi kantor gubernur,ke Bank Papua, ke sekolah, buat apa?
C (Anggota DPR): Begini....kam dua masih muda. Belum banyak tau urusan politik. Kitorang di DPR pusat saja tra tau ada delegasi MSG ke Indonesia. Pemerintah dong malas tahu deng katong. Karena delegasi MSG itu tamu pemerintah, dong datang urus dagang. Datang ke Papua mo liat karmana Papua pung kemajuan, pendidikan, ekonomi. Tra urus Papua mo merdeka ka, mo referendum ka...epen ka?
B: karmana deng nasib WNCL di MSG, kaka?
C : MSG itu organanisasi ekonomi. Betul to, dorang datang ke Indonesia untuk urus dagang. Yang bikin WPNCL itu Andy Ayamiseba deng dia pu kawan-kawan dorang. Andy itu orang dagang. Ko ingat, dolo waktu di Black Brothers pace Andy jadi manajer too? Bukan pemain musik. Abis dia bawa Black Brothers ke Vanuatu, jadi apa sudah grup musik kebanggaan orang Papua itu? Bubar- jalan samua too?
A: Cilaka dua belas. Pace Andy bagabung deng WPNCL supaya bisa lancar urus dagang too?
C: Itu sudah.... orang dagang itu musti banyak akal dan dekat deng pejabat dorang. Samua pejabat Vanuatu dia su pegang. Mentri2 dia su kas pengaruh, sampe2 Menlu batal datang ke Indonesia. Karena Andy pu mau, Vanuatu bagandeng deng China, tra deng Indonesia. Apalagi, China ada jasa, bantu MSG gedung bekas di Vanuatu untuk sekretariat MSG.
B. torang bikin bodo diri sa.
A. Epen deng WPNCL....
Catatan :
MSG : Melanesian Spearhead Group (forum kerjasama ekonomi negara-negara Melanesia di Pasifik Selatan).
Bayau : Polisi
Gode : gemuk
malas tau : tidak peduli
Tra - trada : tidak
Epen : penting
Torang : kita
Dorang : mereka
sa : saya
mo : mau
su : sudah
kas : kasih
deng : dengan