Dening Rusdi Ngarpan Suryapati
Jamane wis jaman kemajuan tenan
Guru-guru gawanane laptop lan notebook
Ha…ha…ha…pethenthang-pethenteng
Mulang bocah nganggo el si di
Kaya-kaya ngerti tenan teknologi
Mung emane iku mung fotokopi
Dudu gaweyane pribadi
Jamane jaman kencana rukmi mukti wibawa
Guru-guru oleh tunjangan sertifikasi
Akehe padha karo gaji saben sasi
Urip mubra-mubru nganggo dasi
We…lhadalah, kok malah nambah bojo siji
Jamane jare jaman reformasi
Kabeh-kabeh kena perubahan ing ora mesthi
Mulang kudune patlikur jam, pesthi
Ning kok bingung olehe tambah ana ngendi
We..lhadalah, aturan kok gonta-ganti
Mbingungake sing arep ngecakake
Jamane jaman guru mukti
Ndadekake wong-wong padha iri
Mangkat mulang gawanane mobil pribadi
Ora nganggo sepedha kaya Umar Bakri
Ujare, sing penting ora korupsi.
Lha wektu???
Mantingantengah-jakenan-pati, 28-9-2011
Follow Instagram @kompasianacom juga Tiktok @kompasiana biar nggak ketinggalan event seru komunitas dan tips dapat cuan dari Kompasiana
Baca juga cerita inspiratif langsung dari smartphone kamu dengan bergabung di WhatsApp Channel Kompasiana di SINI