"Mak, nyuwun plastik."
"Ngge opo?"
"Ngge dolenan."
"Iku goleki dhewe, nang pojokan. Akeh kresek."
Wiji sing lagek masak mung njuding atek sutile, nduduhi anake nggon kresek. Tomin marani pojokan sing diomongno emake.
"Plastik, Mak, guduk kresek."
Tomin ora nemu sing dipingini.
"Lak podho sih. Kate ngge opo?" takone Wiji.
"Dolenan."
"Iyo, dolenan opo?"
Tomin ora nyauri. Arek lanang iku golek plastik sing iso dingge wadah banyu, tapi dudu kresek. Dheweke nggoleki plastik sing luwih kandel.