“Golek sing koyok opo?”
Isuk mari ngeterno Andro sekolah, Joko dijak Marni nang countre HP. Sengojo cek anake lanang ora melu. Arek TK iku lek dijak lungo, mesti ngentek-ngenteki duwit, njaluki jajan.
“Sing iso muni,” saure Joko.
“Yo kabeh ae HP iso muni. Kaane Andro kae yo iso muni. Gelem koyok ngunu.”
Andro nduwe henpon-henponan sing munine banter, lagu anak-anak. Joko gedheg.
“Iku piroan, Mas?”
“Siji wolu,” saure mas sing njogo counter.
“Lha iku murah, tuku siji oleh wolu. Apik yoan.”
Mas sing njogo counter mrenges karo ngukuri gundule.
“Sak juta wolung atus, Mbak.”
Joko sik ae nyawangi barisan henpon nang ngarepe. Arek lanang iku bingung milih.