"Pak'e tumbas cepeda..."
Isuk-isuk Tomin cilik ngrengik. Mulih dolanan karo kancane, arek lanang iku pingin duwe sepeda. Diman sing ancen wes duwe rencana nukokno anake sepeda, sore mulih kerjo langsung bablas nang toko sepeda.
"Ngomong opo?" takone Diman nang anake mari ngewehno sepeda.
"Cuwun," omonge Tomin, tangane loro dirapetno karo ndingkluk.
Gemes ndelok polahe anake sing lucu, Diman ngangkat Tomin karo ngambungi arek lanang cilik iku. Tomin sing selak pingin sepedaan kroncalan.
"Ati-ati," omonge Diman karo nguduno anake.
Tomin sing kekeselen lek sepedaan jam wolu wes merem. Nang kamar, Wiji mecucu ae.
"Pak..."
Diman meneng, ngenakno lek merem.
"Pak'e..."
"Lapo?"