Corona
Tumekamu ora kasap mata
Virusmu mateni manungsa
Ngegerake wong sandonya
Kabeh ora bisa lunga
Virus corona tambah mbrantah
Bocah sekolah pasinaon ana omah
Bisa sinambi klemah-klemah
Ora ana kang mrentah kanthi lumrah
Pendidikan karakter ora tau dijamah
Pamarintah paring ada-ada
Kanggo ngendhani lan ngrampungi corona
Kang minangka pagebluke dunya
Kanthi antigen,vaksin mrih corona bisa lunga...
Saiki corona wis musna
Ayo padha sengkut sinau lan makarya
Kanggo maju lan mulyane negara
Mrih ora keri karo bangsa liya
Rungkad
Ati iki rungkad nalika eling sliramu kang dadi pepujanku
Rina lan wengi tansah eling marang pasuryanmu
Sing gawe ayem atiku
Lan semangat uripku
Ing uripku sliramu kadya srengenge kang sumunar ing wayah esuk lan angslup ing wayah sore
Ati lan pikiranku tansah nggagas sliramu
Ing pungkasan eman yen sliramu ora bisa tak duweni
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H