Kutrat – kotret, catetan tambah rocet
Gulusar – gulisir, jadi gambar hapa harga
Sakali mangsa dihapusan,
Sakali waktu ditelekan
Sakapeung dibebener
Terus dihade - hade
Catetan kalah soek
Sawareh nganaha – naha, sabagean hare – hare
Waktu datang ngagempur
Langit runtuh gunung luruh
Aya nu keueung, aya nu ludeung
catetan ngaburu
Saha nu nulis, saha nu ngagambar
Catetan ngariksa
Saha jeung saha nu ngalakon
Tiap saha mibanda catetan sewang -sewangan
Aya nu ceurik balilihan,
Aya nu seuri pinuh kebek ku kabungah
Catetan imeut nyarita ,
Najan soek najan kutung
Catetan terus.... jeung terus nyarita
Dimana jeung kamana urang harita....!
Keur naon jeung ku naon urang harita...!