Dana Aspirasi, Kata Tukang Gado-Gado Betawi

[caption id="attachment_162346" align="alignleft" width="199" caption="foto : http://akumassa.org"][/caption] Pagi ini bang Namun mengantar istrinya, Mpok Geboy ke pasar untuk membeli bahan dagangan Gado-Gado Betawi. Sambil menenteng tas jinjing berisi sayuran, Bang Namun berdiri di sebelah Mpok Geboy yang sedang terlibat tawar menawar di kios cabe. "Et dah, naek lagi?!" Sentak Mpok Geboy kepada Mpok Nonon, penjual cabe. "Lha, abis pegimane, mpok! Dari sononye emang udah naek..." jawab Mpok Nonon sambil mengelap keringat di keningnya. Pagi yg sejuk, tetap saja berkeringat bagi rakyat endonesya yang giat bekerja mencari nafkah. "Ape-ape naek. Cabe naek, gula naek... ampe aer minum aje mau ditaekin juga ame pemerentah. Kalo begini terus, pegimane kite bisa enak jualan!" Sesal Mpok Geboy lagi. "Jiaah, lu kayak kagak tau aje. Kerjaan pemerentah dari dulu nyang keliatan emang cuman naekin harga!" Jawab Mpok Nonon tanpa beban. "Kalo begini terus, kite nyang jualan jadi repot. Masak gue musti taekin harga gado-gado. Lha, orang-orang nyang biasa makan di tempat gue, kemaren udeh pade protes lantaran porsinye gue kurangin dikit. Padahal entu kan cuma siasat gue biar harga kagak naek!" Meskipun protes, tetap saja Mpok Geboy memilih cabe yang masih terlihat segar. "Abis pegimane lagi. Emang jadi rakyat kecil mah, musti terima aje ape kate pemerentah..." sahut Mpok Nonon, lemas. "Makin lama, makin kagak aspiratif!" Sesal Mpok Geboy. "Et dah, elu, mao beli cabe aje pake ngomongin aspirasi. Cepetan deh, gue udeh pegel nih bediri dari tadi!" Bang Namun mengingatkan istrinya. Memang sebetulnya Bang Namun paling kagak betah ke pasar. Apalagi kalau musim hujan, gang di lajur kios-kios itu biasanya becek. Itu merupakan ancaman buat kaki bang Namun yang sering gatal kalau kena air becek. "Sabar nape bang! Kite kan belanja juga buat aspirasi langganan kite. Kalo aje kita kagak jualan, lha bisa-bisa dicemberutin ame pelanggan. Ape lagi Kang Haji. Duh, gue males deh kalo die ampe ngomelin gue lantaran gue kagak jualan..." "Jiaaah, berarti langgananlu setia ye. enak banget luh!" komentar Mpok Nonon. "Iye, gini-gini gue jualan kan demi aspirasi langganan gue! Mangkenye, lu murahin dikit ngapah cabenye. Soalnye langganan gue pade doyan pedes!" Mpok Geboy mulai merayu Mpok Nonon. "Et dah, aspirasi lagi lubacotin! Alesan aje lu! Kayak anggota DPR aje lu. Ape-ape ngomongin aspirasi rakyat, demi rakyat, halah! Tai kucing bececeran!" Sentak Bang Namun kepada istrinya tercinta. "Eh, bang. Biar pegimane juga, orang kan liat kendiri pegimane gue jualan. Lha, mereka ntuh kan butuh gado-gado. Nah gue nyediain ape nyang mereka butuhin dengan harga nyang pas buat mereka pade. Ntu kan namenye aspiratif. Sesuai dengan kebutuhan langganan gue." Mpok Geboy menerangkan aspirasi menurut versinya. "Iye, tapi lu jangan bawa-bawa kate aspirasi dah. Eneg gue dengernye!" Alasan Bang Namun. "Emang kenape, bang?" Tanya Mpok Geboy sambil memisahkan cabe-cabe yang tak layak beli. "Lha, mangkenye lu baca koran! Nih, koran pagi enih udah gue abisin sambil nemenin lu belanja. Udeh Khatam 2 kali!" "Iye, tapi soal aspirasi ntuh kenape?" "Nih diye masalahnye. Anggota DPR ntu kambuh lagi gilanye. Mereka pade minta jatah uang aspirasi per orang per daerah pemilihan!" "Berape sih?" "15 Milyar!!!" Sahut Bang Namun bersemangat walaupun Mpok Geboy tetep adem ayem aje. "15 Milyar ntu nolnye berape sih, bang?" Tanya Mpok Geboy yang tidak kelihatan terkejut mendengar jumlah uang yang disebutkan suaminya. "Jiaah, elu. emang kagak pernah makan sekolahan. masa 15 Milyar aje kagak tau nolnye berape!" "Lha, emang gue kagak pernah tau uang segitu. Belon pernah deh rasenye kite punya uang ampe milyaran... " "Ya udeh. Pokoknye 15 M itu nolnye banyak dah." "Iye berape? kalo sejuta, kan nolnye 6. Kalo semilyar berape?" balas Mpok Geboy sambil menyelesaikan transaksi dengan Mpok Nonon. "Kalo kagak sale sih, nolnye 9." "Koq kalo kagak sale! Lu juga kelimpungan ye denger duit segitu?" Giliran Mpok Geboy berada di atas argumentasi suaminya. "Et dah, bukannye gitu... soalnye gue juga belon pernah baca dalam bentuk angka. Di koran juga cuman ditulis hurupnye aje." "Jiaaah, kalo begitu mah, jangan pade bahas enol ngapah!" Mpok Nonon nimbrung. "Iye, lagian kalo gue pikir, kalo nolnye 9.... berarti bohongnye 9 kali lipet juga kali ye?" Mpok Geboy ngelantur. "Lha, ape maksudlu?" Tanya Bang Namun. "Lha, Nol ntukan artinye kagak ada ape-apenye bang. Waktu abang ditanya sama kang Haji Rohimin soal hasil bisnis kambing dulu, kan abang jawab NOL! Artinye kan kagak ada hasilnye... lha, kalo Nolnye aje ampe 9 biji, berarti emang udeh bisa dipastiin kalo hasilnye 9 kali lipet NOL, alias kagak ade ape-apenye!" jelas Mpok geboy. "Hehehe... kadang-kadang otaklu encer juga!" Bang Namun cengengesan. "Berarti dana aspirasi ntu nyang tadi abang bilang buat rakyat, same aje bohong dong bang? Lha koq anggota DPR kagak kapok-kapok ye ngebohongin rakyat ame pemerentahnye kendiri..." Mpok Nonon berkomentar. "Ya begitu, deh... buat jadi anggota DPR aje kan mereka udeh pade bemodal gede. Nah, pas jadian, pasti cari untung gede. Namenye juga calo rakyat, bukan wakil rakyat!" "Hush! Udah ah bang. Jangan ngomongin begituan. Mending angkutin tuh cabe! Nyok kite pulang!" Ajak Mpok Geboy...