ZAMAN KIWARI
nu kudu dibuni-buni
disingsat-singsat dibuka-buka
disingkab-singkab ditembong-tembong
nyalindung satukangeun
seni jeung hak azasi
DITEUREUY ZAMAN
Sawah upluk-aplak
salin jinis robah wanda
ngajirim jadi kebon beusi beton
pabrik industri
Sawah sakotak
di tutugan dua gunung
di sisi dua lamping
dimurah-mareh
PATI
Pasrah sumerah
moal narah menta tempo
upama dipapag Izrail
ngan ieu hate cangcaya
kebek tumanya naha baris aya
nu ngeclakeun cimata
LODONG KOSONG