[caption id="attachment_349384" align="aligncenter" width="335" caption="Sumber: Kempurajalambing (Peniktik Wari -Surat Karo)"][/caption]
Peniktik Wari
Aditia, aditia naik, aditia turun gelah niktik wari kerja-kerja si meriah
Merih rubia-rubia I teruh rumah, aditia wari kerja page mbuah
Itiktik me wari gelah mehuli nimpa bunga buah
Wari prudan rehlah, wari la dogal, la dongal si kujuma kurumah
Suma, warina belah, enda me wari kerna si erburo
Merih rubia rubia kerangen, rulih si erburu, warina perlego
Ula kujuma adi la kesah, ula ku rumah adi la uli i embah,
Mehuli nogeng nogeng ku lau entah ku sabah, warina suma siwah
Nggara wari merawa, kita erjaga jaga, ola merampek ngerana
Wari wari melas megara, metenget ngerana, ola pesimbak sora
Erbahan tambar nggara sepuluh, erpangir selamsam nggara enggo tula
Erkata gendang, ngampeken tulan-tulan, nggara warina, wari merawa
Budaha , ngadep, medem ras gok, e wari mejile
Menaken perdalan tah mere page, wari sinuan-sinuan jine
Wari si empat nahe, wari page, mehuli nuan-nuan ije
Wari salang sai,merdang merdem tah kerja-kerja pe mejile
Beraspati wari medalit, mejile nungkun dahin, adi tangkep njumpai si mbelin
Beraspati sepulu siwah mehuli nabah kayu majekken rumah
Beraspati medem, wari simalem malem,ndahi kalimbubu ras ginemgem
Beraspati warina wari taneh, wari mehuli guna ersembah
Cukra enem berngi wari pembukui, warina salangsai
Adi cukra dudu, mehuli kurumah kalimbubu
Cukraduapuluh erbahan tambar, cukra mate buang sial
Cukra wari lau,wari njumpai ate ngena ntah erpangir ku lau
Tula, wari sialna, kisat erkerja…
Samisara,wari nutup mata, nutup kerja, ngolihi wari pemena…
Kempu Rajalambing 31.12.13
*Peniktik Wari : Kalender (bulan) masyarakat Karo untuk melihat hari baik dan hari kurang baik biasanya digunakan masyarakat karo tradisional untuk menentukan masa merdang (menyemai benih) dan masa rani (panaen) juga untuk menentukan hari baik untuk melaksanakan pesta sukacita juga kegiatan ritual tradisional pada masyarakat Karo. nama2 hari dalam Peniktik Wari ini banyak kesamaan dengan nama-nama hari dalam kalender bulan masyarakat Jawa kuno dan Bali.