Sim kuring ayeuna nuju ngumbara di lembur batur, lembur anu patung Merlion jadi ciri paling aheng, lembur anu ngayakeun balap mobil F1 di sirkuit Marina Bay dina waktu peuting, lembur anu kawentar ku kebersihan jeung karapihanana, lembur Singapura.
Kuring jadi sono ka lembur pamajikan kuring, lembur tempat kuring dikuliahkeun jeung dikobongkeun ku kolot kuring, lembur anu loba angkot, anu gaduh sirkuit sentul, anu aya kebon raya, lembur anu kawentar ku Talesna, lembur Bogor ngarana.
Kuring oge s,ono ka lembur ibu rama kuring, lembur kuring ti orok nepi ka sakola di Tsnawiyah, ngaji ti Madrasah nepi ka ngobong, lembur anu diwangun ku Singaperbangsa, lembur anu kawentar ku beasna, lembur anu lega sawahna nepi ka satungtung deuleu, lembur Karawang namina.
Kuring oge emut wae ka lembur ajeungan kuring, lembur tempat kuring disakolakeun jeung dipasantrenkeun ku kolot kuring, lembur anu kawentar ku Galunggungna, lembur anu aya GOR Susi Susanti, lembur anu rea ku pasantren, lembur Tasikmalaya kasebutna.
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H