Nopember Kawuri Ninggal Janji
Kali gedhe sing kudune amber banyu
Saiki garing mekingking prasasat nela
Kali gedhe sing wingi katon gilar gilar kimplah kimplah tirta
Nyatane kabeh mau amung semu.
Nopember tumeka Desember anggonku angantu antu
Maring pocap kang kumucap saka lisanmu lan saka penamu
nyatane amung samudana
Pranyata sun mung kungkum tirtaning fatamorgana
Tirta biru wening kang dak sawang nyatane amung pangangen blaka.
Nopember kawuri ninggal janji.