Lihat ke Halaman Asli

Irwan Rinaldi Sikumbang

TERVERIFIKASI

Freelancer

Oi Urang Rantau, Ari Rayo Jan Pulang, Kirim Sajo Pitih

Diperbarui: 9 April 2020   18:56

Kompasiana adalah platform blog. Konten ini menjadi tanggung jawab bloger dan tidak mewakili pandangan redaksi Kompas.

Sejumlah TKI pulang dari Malaysia tiba di Pelabuhan Selatpanjang Kabupaten Kepulauan Meranti, Riau. ANTARA/HO Kesbangpol Meranti/am.

Kalau ambo manulih tantang urang awak nan iduik di rantau, iyo sabana salut ambo maliek perjuangannyo. Kebetulan ambo sajak maninggakan kota Padang taun 1986, sampai kini lah jadi urang Jakarta. 

Jadi baa bana gigiahnyo urang awak nan manggaleh kain di Pasa Tanah Abang, nan manggaleh kaki limo di Blok M, atau nan manjua nasi di satiok suduik  Jakarta, iyo hebat-hebat. Ambo maraso bangga manjadi urang awak.

Kebetulan pulo ambo bakarajo di sebuah BUMN nan ado cabangnyo di satiok kabupaten dan alhamdulillah ambo acok malakukan perjalanan dinas. Ambo takajuik sampai di ujuang nagari sarupo di kota ketek Atambua, lah dakek bana ka Timor Leste, ado juo urang awak manggaleh nasi. 

Biasonyo ambo kalau sadang kalua daerah, lidah Padang ambo ndak bisa diajak kompromi. Walaupun lah dijamu dek urang cabang nan dikunjungi makan seafood, tatap juo diam-diam sabalun lalok di hotel, ambo kalua surang, mancari nasi Padang.

Masakan Padang ko iyo diakui urang ma sajo, sabana lamak. Ndak heran kalau urang Jawa, Sunda, Betawi, sadonyo suko bana jo nasi Padang. Iyo baa kaindak. Baru mancaliak sambaladonyo sajo alah tabik salero. Batambah sero kalau makan jo randang, gulai tunjang, dendeng balado, dan sabagainyo.

Baa dek urang rantau ko basitungkin bana karajo sarupo itu? Sabab urang awak ko iyo gadang tangguangjawabnyo. Anak dipangku, kamanakan dibimbiang, urang kampuang dipatenggangkan, kecek pepatah.

Jadi nan dipikiakannyo indak anak jo urang rumahnyo sajo. Mangirim pitih ka kampuang paralu pulo, indak sajo untuk urang gaek atau kamanakan nan masih sakola atau nan sadang manganggur, tapi kadang-kadang manyumbang untuk mambangun musajik, madrasah, asrama anak yatim, atau kaparaluan sosial lain.

Ciek lai, nan paliang penting, harus kancang mancari pitih supayo bisa pulang kampuang di ari rayo. Katiko rayo itulah kabanggaan sabagai perantau batua-batua  paralu ditampak-an ka urang kampuang.

Nan punyo oto, lah baoto surangnyo pulang. Ado kawan ambo tingga di Surabaya, takao deknyo tiok rayo mambao oto Surabaya-Padang pulang baliak. Padohal sabananyo sajak 10 tahun terakhir ko, kampuang awak tu kalau ari rayo lah indak nyaman lai. Macet parah dima sajo.

Iyo baa kaindak. Kini ko urang lah punyo oto sadonyo. Katiko ari rayo tu di kampuang, sambuah oto nan BA-nyo lain-lain, ado nan B dari Jakarta, L dari Surabaya, D dari Banduang, F dari Bogor, BK dari Medan, BG dari Palembang. Bahkan dunsanak ambo mambao oto DK dari Bali.

Kalau oto BM, jan ditanyo lai. Itu kan rantau dakek dari Pakanbaru. Indak bana ari rayo, banyak urang Pakan ko pai makan lamak ka Payokumbuah atau Bukiktinggi. Kok lah jadi jalan tol Padang-Pakanbaru, tantu banyak nan baliak ari urang dari Pakan kok nio pulang kampuang.

Halaman Selanjutnya


BERI NILAI

Bagaimana reaksi Anda tentang artikel ini?

BERI KOMENTAR

Kirim

Konten Terkait


Video Pilihan

Terpopuler

Nilai Tertinggi

Feature Article

Terbaru

Headline