Dening : Arvani Irhas
Saben wengi saben dina dilakoni
Mlaku rana-rene karo ngati-ati
Ngayam-ayam ora kejegal watu kali
Supaya ayem ora mangan ati
Wejangan nylesep ning sukma
Babagan rekasa, wis bisa dikulinakake
Sayuk rukun dadi kanca
Tlaten lan ajeg nerus mergawe
Gusti boten sare
Antep karepe ati, mesti ana dalane
Dhengak hasta nidikara
Urip santosa ora cilaka
Manungsa
Dening : Arvani Irhas
Manungsa bisa kajarwa menus-menus nanging ngangsa
Kaya-kaya urip iku ora sedela
Njur ora eling mring titahing sang kuasa
Manungsa
Uripmu kadya wayang kang lumaku marang dalang
Goleko dalan ingkang padhang kang rukun karo sanak kadang
Manungsa
Elinga urip iku mung mampir ngombe
Aja mung tumindhak saudelmu dhewe
Urip iku ora suwe
Mesti bakal bali menyang asale