Hidup merantau li ngape? Karne de bebande
____________________
____
Merantau dide semudah kate jeme.
Ai ade muanainye, ai ade kakang e, ai ade uwak e di sane, masehkah aman saje.
Au ... memang benagh, anye ... nek ngerasekah pait manisnye cuman jeme nek merantau tulah.
Kadang pagi makan, sore tahan. Malam ngulang makan, pagi tahan, siang makan, malam tahan.
Mudah memang ngate, anye nerapkahnye? Dek semudah kate - kate saje.
Merantau tujuan chaka duet nek khata, mangke pacak ngeramiki bibir tetangge nek lemos saje.
Aii ai ai... dek semudah kate.
Merantau kanye kandek nyombongkah bande, amen li karne nak bande angkan merantau, lemaklah di dusun saje. Lemak dimak kinakan ngai jeme.
Merantau, itu chaka kehidupan. Sandi bibitnye pengalaman. Mak mane care jeme, mak mane pemikiran jeme, mak mane calak jeme ...
Bukan cuman nak cari pandangan baik saje, ape agi balas kate hinaan jeme.
Kanye ...
Mangke itu, merantaulah enggok nian - nian.
Bukan sekedar mindahkan tongkrongan.
Sandi warung ke cafe, sandi pasar ke mall
kanye ...
Ilok - ilok merantau gule ilmu, pengalaman, pacak diterapkah amen lah balek ke dusun laman. Kanye malah nambahi penyaket bahan luruan.
Tuape kate jeme ...
Amen nak merantau,
merantau ...
niatkah chaka ilmu, pengalaman.
Kele duet bakal datang seiring ngai bekembangnye pengalaman.
Percuma merantau amen dek ngormati jeme tue, lelipus ngomong kasar campur kotor saje. Malam - malam minum alkohol mangke di kate sukses.
Jangan ...
Belajarlah ilok - ilok, kandek ape amen nak jadi bahan gunjingan jeme.
Li ngape jeme khata merantau,
li dek bebande.
Anye ade nek lebeh penteng aghi.
Li ngape jeme merantau,
Li dindak jadi bahan katean jeme, dindak merepotkah keluarge, dindak betatai ngai warisan nining nek dek seberape.
Merantaulah, mangke kamu tau.
Jeme calak pacak naek bulan mak ini.
Cuman kite saje, nek naek kah gengsi kandek di banggekah jeme.
...
__Spk
(Tangerang, 18 Desember 2021)