Amparan halimun, nguyung di langit nu liwung
Sahandapeunna, gunung-gunung bangun ka pahung
Nyakseni, miangna hiji pangagung
Bral, wilujeng nyorang jalan mulungmung
Seah jaladri, kingkin saheula anan
Lambakna neumragan karang bangun teunangan
Ngadenge beja, hiji lalaki mulang ka kalanggengan
Bral, Cunduk waktuna ngadeuheus nu Maha Heman
Sakecap, Bral jungjunan da geus cupar sagala kawajiban
Saucap, Bral gamparan, sagala nu geus karandapan salilana bakal jadi catetan
Bral, saestuna di ditu pangreureuhan nu sajati, mugia tingtrim di kalanggengan