Sukur waktu, waktuna sukur
Neumrag waktu nu nalangsa
Neunggar jaman nu karasa
Teu cukup ku sujud lima waktu
Komo dengki ngagugunung sabuleud jajantung
Teu guna
Sukur waktu, waktuna sukur
Mangsa ka tukang kungsi teuleum
Tikerelep kana jero getirna hate
Neuleuman kapeurih jeung kasusah
Nyakseni ruksakna dunya
Teu lana
Sukur waktu, waktuna sukur
Di tempat ieu pisan sajak-sajak ngalayang
Ngapung nguriling di langit kabagjaan
Ngajadi lagu panghibur ruengatna asih
Sesa urug gunung-gunung
Teu nyana
Sukur waktu, waktuna sukur
Sukurna waktu ku tasakur
Waktuna sukur ku ngariung
Macaan surat ti Gusti
Nu paseh bari gumati
Teu keuna
Sukur waktu, waktuna sukur
Ku loba tapakur
Ku euyeubna tahmid dicatur
Sangkan tapak nu kaliwat
Sangkan wanci nu kabengbat
Teu mana
el, 191219
