Ing wengi kang nyenyet
Sambat lan jerit wis kumlebat
Cinathet ing gurit kang liwat
Cinaket, raket, ngujiwat
Ing mripat kang tansaya mbleret
Lelakon kecut kang wis kebacut
Prasasat asat kesaut pulut
Pulut kang agawe luput
Nurut kesaut, oncat ateges kendhat
Ora saguh sambat
Kadung urip kesrakat
Mobat-mabit morat-marit
Pait,abot,ruwet, mumet, lan njlimet
Ah…Alit….
Ndhedhet iki bakal cepet kesaput
Pedhut uga bakal kesaut
Lan guritmu wis cinathet
Ingrikating suket
Nalika wayah mruput
Yogya, 5 Agustus 2011