Binareng srengenge mlethek
Lan swara ombak koclak
Lelakon kawuri wiwit kawiyak
Ora bisa selak
Senajan ta ora kepenak
Lan ana luputing tumindak
Nanging tetep wae jenak
Tetep wae bisa ngguyu ngakak
Critaku lan critamu kang wis kawuri ora bakal kabusak
Senajan ta wektu lumaku, ora bisa dioyak
Bebasanbiyen tunggak cilik lan cendhak
Saiki wis tansaya gedhe lan mundhak
Dadi tansaya angel kecandhak
Playuku lan playumu wis beda paran, adoh ora cedhak
Ah…. rasa kangen iki banjur kebak
Piye anggonku nyuntak
Pojoking ati, 12 Agustus 2011
Kanca-kanca PBSJ Unnes, kepiye kabarmu?