Romlah, gimane kursus jait lu, kapan ujiannye?” Tanya Mak Indun kepada Romlah anaknya yang baru aja duduk. Romlah menarik nafas dan menjawab,”Ya ellaa, Enyak, kan Romlah baru sebulan ikut kursus ngejaitnye, masa udeh ditanya ujiannye! Baru juga belajar ngukur, bikin pola, ame ngegunting!” Mendengar jawaban Romlah, Mak Indun bertanya lagi,”Laah, pan emang cuman entu yang dipelajarin kalo kursus ngejait? Emang ade pelajaran yang laen?” Romlah diam dan membuka toples berisi kue wajik yang berada di atas meja. Melihat Romlah mengunyah kue wajik, Mak Indun bertanya lagi,”Emang berape lama sih kalo orang kursus ngejait?” Romlah memandang Mak Indun sambil terus mengunyah wajik, kemudian menjawab,”Sebenernye nih,Mak, kalo orangnye pinter, die cepet bisa, dua bulan juga udah jago die ngejait. Tapi kalo orangnye agak o*n, yee pasti lama!” Mak Indun mengerutkan keningnya,kemudian,”Naahh, elu termasuk yang mane tuh?Yang pinter ape yang o*n?”Romlah menggaruk kepalanya dan menjawab,”InsyaAllah sih aye termasuk yang pinter,Mak!” Mak Indun tersenyum sambil berkata,”Alhamdulillah!”
**
Terlihat Babe Rojali, babenye Romlah duduk sambil merokok di teras depan. Tiba-tiba Mak Indun keluar dari dalam rumah.Dia duduk di sebelah Babe Rojali.”Bang, si Romlah udeh pulang belom?” Tanya Mak Indun. Babe Rojali menjawab,”Selame gue duduk di mari, gue belom liat siape-siape!”Mak Indun melirik Babe Rojali.”Bilang aje belom, pake ngomong kaga liat siape-siape!” Babe Rojali mengebulkan asep rokoknya dan berkata,”Saleh mulu! Gue jawab, saleh, tar gue diem, lu ngomel!” Mak Indun nyurengin matanye dan berkata,”Bang, aye kaga ngomel, cuman kayanye rebet banget tadi jawabannye, tinggal jawab aje, belom, udeh deh!” Babe Rojali mengisap rokoknya lagi, dia ga mau memperpanjang urusan ama Mak Indun. Tiba-tiba,”Assalamualaikum!” Ternyata Romlah baru pulang dari kursus ngejaitnya. “Waalaikumsalam!” Jawab Mak Indun dan Babe Rojali berbarengan.”Kok tumben ampe sore?”Tanya Mak Indun. Romlah mencium tangan orangtuanya, lalu duduk.”Iye,Mak. Tadi ade pengarahan dari yang punya tempat kursusnye. Soalnye minggu depan udeh bisa ujian!” Mak Indun menanggapi,”Ooo, jadi lu udeh bisa ikut ujian?Alhamdulillah, Bagus dong!”Lalu Romlah menjawab,”Besok pengumumnannye,
siape aje yang bisa ikut ujian!” Lalu Mak Indun mengerutkan keningnya. Babe Rojali bertanya,”Romlah, emangnye tar kalo lu udah lulus ngejait, lu mau jadi kang jait?” Mak Indun langsung menjawab,”Ya ellaa, Abang Rojali yang ganteng kaya sekuteng yang belom mateng, pertanyaannye kaga pinter banget ye! Ye kalo kursus jait terus lulus, yee udeh pasti jangan kang jait, masa jadi kang masak! Mangkenyeee, banyak minum aer putih, biar otak seger!”Babe Rojali menggaruk kepalanya dan menjawab,”Ndun, lu tuh ye, demen banget kalo nyalahin gue, gue belom rapi nanya, lu udeh nyerobot kaya trek yang rem nye blong! Gue tadinye mau nanye, kalo Romlah udah lulus, die mau jadi kang jait buka di rumah ape mau jadi tukang jait di tempat laen!Kalo mau buka di rumah, babe kan mau nyiapin tempatnye!Begitu Indun Markindun yang bawel!” Mak Indun memonyongkan mulutnya.
***
Melihat orangtuanya ribut, Romlah menarik nafas dan berkata dengan pelan,
”Udah ah, Mak,Babe, malu kedengeran tetangga! Iye,Be. Romlah mau buka terima jaitan di rumah.” Babe Rojali tersenyum lalu Mak Indun berkata,”Mudah-mudahan, elu bisa ikut ujian ye! Emak pengen lu cepet buka tempat jaitan! Kan sekarang lagi piral tuh,seragam sekolahan mau pade dirobah! Nah lu bisa tuh ambil proyek bikin seragam sekolahan! Kalo gol, waahh maju dah lu,Rom!”Romlah diam dengan wajah yang kaku. Lalu Babe Rojali menanggapi,”Lu kate siape sih,Ndun? Jangan hoak lu! Masa seragam sekolahan yang modelnye udeh dari dulu begitu mau di robeh?Emang mau pake model ape?” Mendengar pertanyaan Babe Rojali, Mak Indun menjawab,”Ehh Abang, aye kaga hoak, aye denger dari emak-emak yang anaknye masih pade sekolah, terus aye juga denger dari tetangge kite yang jualan baju seragam sekolah! Pade ngeluh! Yang emak-emak bilang biaya jadi tambah gede karena harus beli seragam baru, terus yang jualan baju seragam pade bilang die udeh nyetok bakalan kaga ade yang beli! Nah sekarang urusan sekolahan jadi ribet dah! Adeee aje dah yang bikin orangtua puyeng! Pegimane murid mau pade pinter ye, semua pade di ganti-ganti! Kurikulum diganti-ganti, mata pelajaran diganti, ampe seragam pake mau diganti! Untung kite udeh kaga punya anak yang sekolah ye,Bang!” Babe Rojali menyalahkan korek api dan disundut ke rokoknya.”Oo, jadi tujuan lu segitu maksanye si Romlah kursus ngejait entu biar Romlah bisa ngejait seragam sekolah yang model baru?Ga nyangke otak lu pinter juga!” Mak Indun senyum-senyum mendengar pujian dari Babe Rojali.”Iye,Bang! Tar kan kite bisa bikin konpeksi! Kali aje, buat semua gurunye juga di suruh pake seragam yang sama ame anak muridnye!” Mendengar omongan Mak Indun, Romlah menanggapi,”Ye kaliii, Mak! Masa guru ame murid seragamnye sama!Udeh ah, jangan ngaco!” Lalu Mak Indun menjawab,”Eh Romlah, jaman sekarang semua harus ngaco! Kalo kaga ngaco, kaga dipake!” Kata Mak Indun dengan suara kenceng. Romlah berdiri dan masuk ke dalam rumah. Melihat kejadian itu, Babe Rojali mengangkat alisnya dan diam.
================
Diana Husna, S.Pd.
================
